هي ......وهو

[SAD GIRL]

هو: عند أول عطسة إيذاناً ببدء نزلة برد عارضة، تجده وقد لبسه الاكتئاب، فيمتنع عن مزاولة أي نشاط، ويأخذ إجازة مفتوحة من عمله، يطلب لنفسه وجبات خاصة، وأدوية خاصة، ومعاملة خاصة، ويتأفف ويتأوه ليلاً ونهاراً.





(وبعد كل هذا يتهم الرجل المرأة بالدلع...!)





هي: تتابع مسلسلاً في التلفزيون، بينما تتصفح مجلة، وتحل واجب الحساب مع ولدها، وتناقش زوجها في العملية الانتخابية، وترد على الهاتف لتهدئ أختها التي تشاجرت مع زوجها، تؤنب ابنتها المراهقة على (طول لسانها)، فيما تتابع كل ما سبق بنفس التركيز.





هو: يريد أن يقرأ خبراً إعلانيا في جريدة، فيصرخ: :«سكووووت.... خلوني ركز».





هي: تذهب لوظيفتها صباحاً، تعود ظهراً لتحضر الغداء، وتذهب لاجتماع أولياء الأمور لتتحدث مع المدرس عن وضع ابنها الدراسي، تأخذ ابنتها لموعد الجلدية لحل المشكلة الأزلية (حب الشباب)، وفي طريق عودتها تمر على الجمعية، تحضر التموين، تجلب قمصان «المسيو» من المصبغة، تزور أمها خطفاً، وتعود بوجه مبتسم وروح مرحة لتكمل واجباتها الزوجية.





هو: يذهب إلى عمله صباحاً. يعود مكفهراً غاضباً لاعناً مديره والوظيفة والمرور. يجد كل شيء جاهزاً. يتغدى، ينام، يقوم ليخرج إلى الديوانية، يعود لتناول العشاء، يشاهد التلفزيون (مركزاً) على أي برنامج ينتهي بكلمة «أكاديمي». أخيرا يذهب إلى فراشه وهو يقول.. «إنتو ما بتحسو بتعبي».





هي: لا تنام قبل أن تطمئن على البيت كله، وتضع رأسها المثقل بالهموم على المخدة فتلاحقها الهواجس والمشاكل والتساؤلات: مرض الولد، دراسة البنت، موعد أسنان الزوج، ومباركة الخالة، وعزاء الجارة، وشو بدنا نطبخ بكرا.. وطارت النومة.





هو: يغفو قبل أن يصل رأسه للمخدة. ويعلو شخيره ليوقظ أهل البيت.. وأحياناً الجيران.


(ويقوم صباحاً ليقول «تعبااااااان، ما نمت مبارح منيح»)





هي: تعيش على الخس والجزر، تواظب على الريجيم والأكل الصحي والرياضة..لا لشيء إلا لتبدو جميلة في عينيه.





هو: يعيش ليأكل، ينمو أفقياً..بنسبة بروز واضحة حول محيط الكرش، مردداً ببساطة مقولة: (الرجال مو بشكله).






__._,_.___.

[king of love]

هلق يمكن معك حق بيلي قلتي
بس انا حسيت بتجاهل كتير كبير لكتير من المسائل التانية
ومن ابسط هالمسائل شغلة المصروف الزايد للمرة
والبسيط البسيط جدا للرجال
وكتير كتير كتير مسائل تانيه
مشكورة كتير موضوج رائع للنقاش
تقبلي مروري

[ماذا بعد؟]

مشكورة اقتصادية
بس المشكلة الوحيدة
انو يكفي هو عم يدير البيت
وعم يجيب مصاري للعيش
تقبلي مروري

[SAD GIRL]

المشاركة الأصلية كتبت بواسطة king of love

هلق يمكن معك حق بيلي قلتي
بس انا حسيت بتجاهل كتير كبير لكتير من المسائل التانية
ومن ابسط هالمسائل شغلة المصروف الزايد للمرة
والبسيط البسيط جدا للرجال
وكتير كتير كتير مسائل تانيه
مشكورة كتير موضوج رائع للنقاش
تقبلي مروري

مصروف شو او اي مصروف الي انت عم تحكي عنو
لح اعطيك مثل
دائما بالبيت بيكون مصروف الشب اكتر من مصروف البنت والحجة
بيقولولك شب ييي عليي عندو كتير مصاريف هي ابسط مثال
عكل شكرا لمرورك بس شكلو ما حدى حابب يتناقش بالموضوع
ههههههه

[vampire]

المشاركة الأصلية كتبت بواسطة SAD GIRL

هو: يغفو قبل أن يصل رأسه للمخدة. ويعلو شخيره ليوقظ أهل البيت.. وأحياناً الجيران.


(ويقوم صباحاً ليقول «تعبااااااان، ما نمت مبارح منيح»)





هي: تعيش على الخس والجزر، تواظب على الريجيم والأكل الصحي والرياضة..لا لشيء إلا لتبدو جميلة في عينيه.





هو: يعيش ليأكل، ينمو أفقياً..بنسبة بروز واضحة حول محيط الكرش، مردداً ببساطة مقولة: (الرجال مو بشكله).






__._,_.___.

حلو كتير
بس ليش كل ال "هي" بيحملو ضغينة ضد ال "هو"

[faraouila]

الغريب انكون متفاجئين ليش هن الرجال شاطرين غير بالنكد

[SAD GIRL]

المشاركة الأصلية كتبت بواسطة vampire

حلو كتير
بس ليش كل ال "هي" بيحملو ضغينة ضد ال "هو"

بعد كل اللي اريتو عم تقول ليش عيب والله
وفوق كل هاد بيضل بالمجتمع رجال بيحقلو يعمل كل شي واي غلطة بيعملها اد ما كانت كبيرة بيقولو عنها نزوة وبيقولو انو ما حدى معصوم عن الغلط بينما اقل غلطة عند البنت بيساووها مو منيحة وما بتسوى وبتناسوا انو البنات مو انبياء وكمان هنن متل الشباب مو معصومين عن الغلط
نحنا مو حاملين ضغينة ع الهو بس الضغينة الاساسية عبعض التقاليد والعادات اللي بتمحي شخصية البنت
وبدي اول للاستاذ بهاء انو حكيو هالمرة مو صحيح لانو اكتر من 90%من النساء عم يشتغلو ويساعدو كتير بمصروف البيت بالاضافة لشغلن جوات البيت
وبتمنى من الادمن ينزل الرد

[rama86]

مشكورة على هالموضوع الحلو والواقعي ويعطيكي العافية
عنجد أحياناً بيكون الرجال أناني ومابيقدر قيمة تعب المرأة وأنا برأيي لازم يكون في تعاون بين ال2 وخاصة إذا كانت المرأة عاملة يعني متل ماهوه عم يواجه ظروف وضغوط العمل وهيه كمان بس هيه طبعاً عم يزيد عليها شغل البيت وتربية الأولاد وتلبية طلباته فلازم يقدر هاد الشي ويساعدها ومايكون أناني معها ويتحملها متل ماعم تتحمله بالنهاية الحياة الزوجية هي مؤسسة ولازم يكون فيها تشارك

وعلى فكرة أنا بتمنى من كل رجل يقعد يوم واحد مكان مرته ويشوف قديش عم تعاني ووقتها بيحس بهاد الشي

[vampire]

المشاركة الأصلية كتبت بواسطة SAD GIRL

بعد كل اللي اريتو عم تقول ليش عيب والله
وفوق كل هاد بيضل بالمجتمع رجال بيحقلو يعمل كل شي واي غلطة بيعملها اد ما كانت كبيرة بيقولو عنها نزوة وبيقولو انو ما حدى معصوم عن الغلط بينما اقل غلطة عند البنت بيساووها مو منيحة وما بتسوى وبتناسوا انو البنات مو انبياء وكمان هنن متل الشباب مو معصومين عن الغلط
نحنا مو حاملين ضغينة ع الهو بس الضغينة الاساسية عبعض التقاليد والعادات اللي بتمحي شخصية البنت
وبدي اول للاستاذ بهاء انو حكيو هالمرة مو صحيح لانو اكتر من 90%من النساء عم يشتغلو ويساعدو كتير بمصروف البيت بالاضافة لشغلن جوات البيت

عفوا بس جملتك" بعد كل اللي اريتو عم تقول ليش؟؟ عيب والله"
بتخلي النقاش عمستوى شخصي وبطلعه من الإطار العام

بعدين مين يلي قال أنو أي غلطة بيغلطها الشب بيتسامح وما بيتحاسب
صدقيني بيتحاسب حساب عسير بس ما بيحكي ليش "لأنو الرجال ما لازم يشتكي من التأنيب أبدا" هيك بيقولوا واذا قال إنها نزوة فهو عم يكابر
أما البنت بسبب طبيعتها فمتعودة تشتكي وهي لها علاقة بالخلق مو بالتربية...
أما بالنسبة للعادات والتقاليد الي بتمحي شخصية البنت ففي شباب بحاربوها قبل كتير بنات وإذا ما كانوا معروفين فمو ذنبهم ذنب يلي ما بيرضى يسمعهم....

[SAD GIRL]

مشكورة دكتورة عالمرور